ოკუპირებულ აფხაზეთში 27 დეკემბერს დაკარგული სოფია ოლეინიკის ძებნა გრძელდება. ბოლო ინფორმაციით, ის 7 იანვარს ოჩამჩირის რაიონის სოფელ აძიუბჟაში ნახეს. ამის შესახებ „ეხო კავკაზა“ იუწყება.

სოხუმის დე ფაქტო შს სამინისტროს ცნობით, ამ დროისთვის 29 წლის ქალის ადგილსამყოფელის შესახებ არანაირი ოფიციალური ინფორმაცია არ არსებობს.

სოფია ოლეინიკის სამძებრო სამუშაოებში ოჩამჩირის, გულრიფშის, გალის და სოხუმის ე.წ. სამართალდამცველები მონაწილეობენ. ასევე ამ პროცესში ჩართულები არიან მილიციის სკოლის კურსანტები და კინოლოგიური სამსახური.