ოკუპანტებმა უკრაინაში ქალებისა და ბავშვების ევაკუაციის კოლონა ჩაცხრილეს

ოკუპანტებმა უკრაინაში ქალებისა და ბავშვების ევაკუაციის კოლონა ჩაცხრილეს - დაიღუპა 7 ადამიანი

13/03/2022

02:34

A-

უკრაინის თავდაცვის სამინისტროს ცნობით, 11 მარტს, როცა შეთანხმებული ე.წ. მწვანე დერეფნის დახმარებით მოქალაქეები ერთი სოფლიდან მეორეში ევაკუაციას ცდილობდნენ, ოკუპანტებმა კოლონა ჩაცხრილეს. მათი თქმით, კოლონა კონკრეტულად ქალებისა და ბავშვებისგან შედგებოდა.

უწყების განცხადებით, ამის შედეგად 7 ადამიანი დაიღუპა, მათ შორის, ერთი ბავშვია. სამინისტროს დაჭრილებზე ზუსტი ცნობები ამჟამად არ აქვს. მათივე თქმით, სროლის შემდეგ, ოკუპანტებმა კოლონის დანარჩენ ნაწილს სოფელში დაბრუნება აიძულეს და ევაკუაციის საშუალება არ მისცეს.

თავდაცვის სამინისტროში აცხადებენ, რომ ამჟამად მოქალაქეებთან კომუნიკაციის დამყარება, ასევე ჰუმანიტარული და სამედიცინო დახმარების გაწევა თითქმის შეუძლებელია.

544