მომღერალი ნუცა ბუზალაძე ამერიკიდან საქართველოში დაბრუნდა. ნუცას აეროპორტში გულშემატკივრები და ოჯახის წევრები დახვდნენ.

,,დიდი სიყვარული" - წერს მომღერალი სოციალურ ქსელში და დახვედრის ემოციურ კადრებს გვიზიარებს.

ცნობისათვის, ნუცა ბუზალაძე ამერიკული მეგაპროექტის American Idol-ის ერთ-ერთი გამორჩეული კონკურსანტი იყო, რომელიც ტოპ-12 საუკეთესო მონაწილეს შორისაც მოხვდა. საკუთარი გამოსვლებით ნუცამ პროექტის ჟიურის სიმპათია არაერთხელ დაიმსახურა.

პროექტის ფინალში ნუცამ ცნობილ მომღერალ კაილი მინოუგთან ერთად დუეტი ბრწყინვალედ შეასრულა.

ქართველმა მომღერალმა ამერიკულ მუსიკალურ კომპანიასთან კონტრაქტი უკვე გააფორმა და თავის პირველ ამერიკულ ალბომზე დაიწყო მუშაობა.

ცნობილია, რომ ნუცა 3 ივნისს ბათუმში კონცერტს გამართავს.