საბერძნეთის საგარეო საქმეთა მინისტრმა ნიკოს დენდიასმა განაცხადა, რომ ევროკავშირი და ნატო უნდა დაეხმარონ უკრაინას, მოლდოვასა და საქართველოს სამხედრო და თავდაცვის პოტენციალის შექმნაში. ამის შესახებ მან  „ყირიმის პლატფორმის“ შავი ზღვის უსაფრთხოების შესახებ პირველ კონფერენციაზე ვიდეო ჩართვით გამოსვლისას განაცხადა.

„მადრიდის სამიტზე ნატომ პირველად აღიარა შავი ზღვის რეგიონი ალიანსისთვის „სტრატეგიული მნიშვნელობის ზონად“. ამ კონტექსტში, ჩვენ დავრწმუნდით, რომ ალექსანდროპოლისის პორტი მნიშვნელოვნად უწყობს ხელს უკრაინის თავდაცვისთვის აღჭურვილობის ტრანზიტს“, - განაცხადა დენდიასმა.

მანვე აღნიშნა შავი ზღვის რეგიონში ევროკავშირისა და ნატოს პარტნიორებთან, როგორიცაა უკრაინა, მოლდოვა და საქართველო, შემდგომი თანამშრომლობის აუცილებლობა.