ნიგერში სამხედრო ხუნტამ მოუწოდა საფრანგეთს 3 სექტემბრამდე გაიყვანოს თავისი კონტინგენტი ქვეყნიდან.

აღსანიშნავია, რომ ერთ-ერთი უმსხვილესი საფრანგეთის საჰაერო ბაზა ამჟამად ნიგერშია განთავსებული და ქვეყანაში დაახლოებით 1 500 ფრანგი სამხედროა.

გარდა ამისა, იქ განლაგებულია სამხედრო მოსამსახურეები აშშ-დან, იტალიიდან და გერმანიიდან.

შეგახსენებთ, დასავლეთ აფრიკის ქვეყნის ნიგერის ჯარისკაცებმა სახელმწიფო გადატრიალების და ძალაუფლების ხელში ჩაგდების შესახებ გამოაცხადეს 27 ივლისს. სამხედროებმა განაცხადეს, რომ გადააყენეს პრეზიდენტ მუჰამედ ბაზუმის მთავრობა, დახურეს საზღვრები და დააწესეს კომენდანტის საათი.