27/07/2023
09:17
მსოფლიო
დასავლეთ აფრიკის ქვეყნის ნიგერის ჯარისკაცებმა ეროვნული ტელევიზიით სახელმწიფო გადატრიალების შესახებ განცხადება გააკეთეს.
მათი თქმით, გადააყენეს ნიგერის პრეზიდენტი მოჰამედ ბაზუმი, გააუქმეს კონსტიტუცია, შეაჩერეს ყველა ინსტიტუტის მუშაობა და ჩაკეტეს ქვეყნის საზღვრები.
გაერო-ს გენერალურმა მდივანმა, ანტონიო გუტერეშმა განაცხადა, რომ მოჰამედ ბაზუმს ესაუბრა და გაერო-ს სრული მხარდაჭერა შესთავაზა. ნიგერის პრეზიდენტს ურყევ მხარდაჭერას დაჰპირდა შეერთებული შტატებიც.
ნიგერი ორ ისლამისტურ აჯანყებას ებრძვის. ერთს სამხრეთ-დასავლეთში და მეორეს სამხრეთ-აღმოსავლეთში. ქვეყანაში აქტიურობენ როგორც ალ-ქაიდას, ასევე ე.წ. „ისლამური სახელმწიფოს“ მოკავშირე ბოევიკები.
პრეზიდენტი ბაზუმი, რომელიც 2021 წელს დემოკრატიულად აირჩიეს, საფრანგეთისა და სხვა დასავლური ქვეყნების ახლო მოკავშირეა. ნიგერში 1960 წლიდან, საფრანგეთისგან დამოუკიდებლობის მოპოვების შემდეგ, ოთხი გადატრიალება მოხდა.
0
0