ჩრდილოეთ ნიგერიაში ნავის ჩაძირვის შედეგად, სულ მცირე, 100 ადამიანი დაიღუპა ნათქვამია კვარის შტატის პოლიციის განცხადებაში. 

„12 ივნისის დილას, მდინარე ნიგერზე, მეზობელი ნიგერის შტატთან ახლოს, ნავი გადაბრუნდა, გადარჩენილთა ძებნა ჯერ კიდევ მიმდინარეობს,“ - თქვა კვარის შტატის პოლიციის პრესპიკერმა ოკასანმი აჯაიმ.

მსხვერპლთა შორის ბავშვებიც არიან. ნავზე 100-ზე მეტი ადამიანი იმყოფებოდა. მგზავრები  ნიგერის შტატის ერთ-ერთ სოფელში ჩატარებული ღამის საქორწილო ცერემონიიდან ბრუნდებოდნენ.

ჯერჯერობით უცნობია, არიან თუ არა გადარჩენილები.