ისრაელის პრემიერ-მინისტრმა ბენიამინ ნეთანიაჰუმ საერთაშორისო საზოგადოებას მოუწოდა, რომ მკაცრი რეაგირება მოახდინოს ისრაელელ ქალთა მიმართ სექსუალური ძალადობის, გაუპატიურებისა და დასახიჩრების შემთხვევებთან დაკავშირებით, რაც, სავარაუდოდ, 7 ოქტომბერს, ისრაელზე ,,ჰამასის“ თავდასხმების დროს განხორციელდა.

როგორც ბენიამინ ნეთანიაჰუმ სიტყვით გამოსვლისას განაცხადა, ის მოელის, რომ ყველა "ცივილიზებული ლიდერი, მთავრობა და ქვეყანა ამ სისასტიკის წინააღმდეგ ილაპარაკებს".

„მივმართავ ქალთა უფლებების დამცველ ორგანიზაციებსა და ადამიანის უფლებათა დაცვის ორგანიზაციებს - ისრაელელი ქალების გაუპატიურებისა და დასახიჩრების, საშინელი სისასტიკის შესახებ გსმენიათ? სად ჯანდაბაში ხართ?“ - განაცხადა ისრაელის პრემიერ-მინისტრმა.