ნავალნის დაკრძალვაზე ერთი მოზრდილი ქართული ქელეხის ოდენობა ხალხი მივიდა. ნეტა ერთი თავს არ ვიტყუებდეთ ამ ბოდვებით ლიბერალური რუსეთის შესახებ - ამის შესახებ ტვ "მთავარი არხის" დამფუძნებელი ნიკა გვარამია სოციალურ ქსელში წერს.

ალექსეი ნავალნისთან გამოსამშვიდობებლად ასობით ადამიანი შეიკრიბა. მოსკოვში, მარინოს რაიონის ეკლესიასთან კილომეტრიანი რიგი გაკეთდა.

რუსი ოპოზიციონერი ალექსეი ნავალნი მოსკოვში, ბორისოვსკის სასაფლაოზე დაკრძალეს. მანამდე კი, პანაშვიდი ღვთისმშობლის ხატის ეკლესიაში გაიმართა.

ეკლესიასთან ათასობით ადამიანი იყო შეკრებილი, რომელთაც მსვლელობის პროცესში მიიღეს მონაწილეობა. დაკრძალვის პროცესს დაესწრო რუსეთში ამერიკის ელჩი.