ბრაზილიის ნაკრებისა და "პარი სენ ჟერმენის" ვარსკვლავი ნეიმარი ახალ სკანდალში გაეხვა.

ბრაზილიელი პარიზის გარეუბან ბუჟივალში ცხოვრობს. შემტევმა თავის 31-ე დაბადების დღე ხმაურიანად აღნიშნა, ხმაურმა კი მეზობლები იმდენად შეაწუხა, რომ მათ პოლიციას მიმართეს, თუმცა ფეხბურთელმა გართობა გააგრძელა.

თავად ბუჟივალის მერი ლუკ ვატელი ნეიმარის წინააღმდეგ პროკურატურაში სარჩელის შეტანას აპირებს.

"რა თქმა უნდა, მისი დაჯარიმება შეგვეძლო. თუმცა მისი ხელფასიდან გამომდინარე 135-ევროიან ჯარიმას დიდ ყურადღებას არ მიაქცევს" - განაცხადა ვატელმა.

ვნახოთ, როგორ გაგრძელდება ნეიმარისა და მისი მეზობლების დაპირისპირება...