სოსო ბაბაევის საქმეზე მიღებული გადაწყვეტილება პროკურატურამ სააპელაციო სასამართლოში გაასაჩივრა. სამოქალაქო აქტივისტი დარწმუნებულია რომ ხელისუფლება  მის დაკავებას ყველა მეთოდით შეეცდება.

"ნებისმიერ დროს შეიძლება დამაკავონ და ხელახლა ჩაიდინონ ის არაკანონიერი ქმედება. მე ვფიქრობ, ეს არის პირდაპირი ნიშანი იმისა, რომ ქვეყანაში მიდის რეპრესიები განსხვავებული აზრის. დღეს ჩემს უფლებადამცველთან ერთად, ვიყავით სხვადასხვა საელჩოებში, შევხვდით დიპლომატიურ წარმომადგენლებს და მათგანაც მივიღეთ ძალიან დიდი მხარდაჭერა" - ამბობს ბაბაევი.

მოსამართლე ლევან დარბაიძემ  იოსებ ბაბაევის წინააღმდეგ ჩატარებული ყველა საგამოძიებო მოქმედება უკანონოდ ცნო, ხოლო მიღებული ინფორმაცია დაუშვებლად. გორის რაიონული სასამართლოს მოსამართლემ იმ დარღვევებზე ისაუბრა, რომლითაც სამართალდამცველებმა ბაბაევის პირადი და ავტომანქანის ჩხრეკა ჩაატარეს,  შემდეგ კი  დააკავეს.