უკრაინის პრეზიდენტის, ვოლოდიმირ ზელენსკის მსგავსი ადამიანი გამოჩნდა ნეაპოლში, ის უძღვება გვერდს Tik-Tok-ზე, რომელიც უკვე აქვს გამოწერილი მილიონზე მეტ მომხმარებელს.

ჯიჯი პეჩერი ზღვის პროდუქტების გამყიდველია, მაგრამ მსახიობობაზე ოცნებობს. ის ტვირთავს მოკლე ვიდეოებს, სადაც კომიკურად გადმოსცემს ყოველდღიურ ამბებს ან/და ცეკვავს. უკრაინელმა გამომწერებმა პირველებმა შენიშნეს მსგავსება ჯიჯისა და ზელენსკის შორის და ამის შესახებ დაწერეს კომენტარებში.

უკრაინელების ამ „აღმოჩენამ“ ჯიჯის დიდი პოპულარობა მოუტანა. მისი ვიდეოები ინტერნეტში ვირუსულად ვრცელდება. როგორც გამომწერები წერენ, "ზელენსკის კლონი" ვარცხნილობითა და სახის გამომეტყველებით ძალიან ჰგავს უკრაინის ლიდერს.