საქართველოს ეროვნული ბიბლიოთეკის გენერალური დირექტორი, გიორგი კეკელიძე იტალიაში ხვიჩა კვარაცხელიას შეხვდა. ამის შესახებ მან სოციალურ ქსელში დაწერა. მისი შეფასებით, კვარაცხელია საოცრად კეთილი ადამიანია და დიდი პოპულარობით სარგებლობს.

გარდა ამისა, კეკელიძემ ნეაპოლსა და რომში დაგეგმილი ქართული ბიბლიოთეკების გახსნაც დააანონსა.

"დღეს ნეაპოლში ხვიჩა გავიცანი. გარდა დიდი საფეხბურთო ტალანტისა, საოცრად თავმდაბალი და კეთილი ბიჭია. აქ მარადონას შემდეგ მეორე კაცია, ქუჩებში თუ ჩაივლით, იოლად შეატყობთ გამოფენილ მაისურებს და სუვენირებს. კიდევ ის მოხდა, რომ კვარას თორმეტი წარჩინებული სტუდენტი შევახვედრეთ. და კიდევ: ნეაპოლში და რომში იანვარში ქართულ ბიბლიოთეკებს გავხსნით", - წერს კეკელიძე.