რუსული ტელეარხი THT აშშ-ს პრეზიდენტ ჯო ბაიდენზე სერიალს გამოუშვებს, სახელად "ნახვამდის". სერიალში ბაიდენი რუსეთში ჩადის, რათა გაიგოს, "თუ რატომ არ მუშაობს მისი სანქციები რუსების წინააღმდეგ" და "რუსული სული შეიცნოს". ინფორმაცია რუსულ მედიაში ვრცელდება.

"[ჯო ბაიდენი] საკუთარ დოკუმენტებს პირველივე დღეს კარგავს, თუმცა ახალ მეგობარს პოულობს - ნამდვილ რუს პატრიოტს. ახლა ბაიდენი იძულებულია ხრუშოვის პერიოდის ბინაში იცხოვროს და ინგლისურის მასწავლებლად იმუშაოს, რათა ახალი დოკუმენტებისთვის ფული შეაგროვოს და ამერიკაში დაბრუნდეს" - რუსულ მედიაზე დაყრდნობით, წერია პროექტის აღწერაში.

ბაიდენის როლს რუსი მსახიობი დმიტრი დიუჟევი შეასრულებს.

სერიალის საპილოტე ეპიზოდის სცენარს რუსული დამოუკიდებელი გამოცემა Медиазона აქვეყნებს.