ბელორუსის პრეზიდენტმა ალექსანდრე ლუკაშენკომ განაცხადა, რომ დასავლეთს სურდა ომის დაწყება დონბასში 2020 წელს ბელორუსში საპროტესტო აქციების შემდეგ. ამის შესახებ რუსეთის სახელისუფლებო სააგენტო „რია ნოვოსტი“ იუწყება.

„თქვენ ემზადებოდით ამისთვის (დასავლეთი ომისთვის - რედ.) და უახლოეს მომავალში ჩვენ გამოვაქვეყნებთ ამ ფაქტებს, დასავლეთის ქვეყნები როგორ აპირებდნენ ბელარუსში 2020 წლის არეულობის შემდეგ, თუ შესაბამისი ვითარება შეიქმენებოდა, ნატო და მისი ჯარები როგორ დაიკავებდნენ ჩვენთან ხელისუფლებას და დაიწყებდნენ ომს რუსეთთან დონბასიდან.

მიზეზი რუსეთის მიერ უცხო ტერიტორიების წართმევა იქნებოდა. იქიდან უნდა დაწყებულიყო 2021-2022 წლების ომი. რუსეთმა დასწრებაზე იმუშავა“ - აცხადებს ბელარუსის პრეზიდენტი.