„პირველ რიგში, მე მზად ვარ დიალოგისთვის, თუმცა ჩვენ მზად არ ვართ კაპიტულაციისთვის, რადგან საუბარი არ არის ჩემზე, არამედ ხალხზე, ვინც მე ამირჩია“, - აღნიშნა უკრაინის პრეზიდენტმა.

ვოლოდიმირ ზელენსკი ასევე შეეხო ნატოს საკითხს და განაცხადა, რომ ჩრდილოატლანტიკურ ალიანსს რუსეთთან კონფრონტაციის ეშინია.

„რაც შეეხება ნატოს, ამ საკითხის მიმართ გულგრილი გავხდი მას შემდეგ, რაც გავიგეთ, რომ ნატო მზად არ არის უკრაინის მისაღებად. ალიანსს სადავო საკითხებისა და რუსეთთან კონფრონტაციის ეშინია“, - აღნიშნა უკრაინის ლიდერმა.

ვოლოდიმირ ზელენსკიმ ხაზგასმით აღნიშნა, რომ უკრაინას არ სურს იყოს ქვეყანა, რომელიც მუხლთმოდრეკილი ითხოვს რაღაცას.