ჩრდილოატლანტიკურმა ალიანსმა რუსეთის შესაძლო თავდასხმის წინააღმდეგ თავდაცვის გეგმა დაამტკიცა. ამის შესახებ ინფორმაციას Reuters წყაროებზე დაყრდნობით ავრცელებს.

სააგენტოს ცნობით, თურქეთი თავდაპირველად, ბლოკავდა გეგმის დამტკიცებას მასში გეოგრაფიული ადგილების, მაგალითად კვიპროსის ფორმულირების გამო, თუმცა, საკუთარი პოზიციის გადახედვა მოუხდა.

ამასთან, Reuters აღნიშნავს, რომ ნატო ათწლეულების განმავლობაში ფართომასშტაბიანი თავდაცვის გეგმების შედგენის საჭიროებას ვერ ხედავდა, რადგან ავღანეთსა და ერაყში მცირე მასშტაბის ომებში იყო ჩართული და მიიჩნევდა, რომ პოსტსაბჭოთა რუსეთი მისთვის საფრთხეს აღარ წარმოადგენდა, თუმცა სრულმასშტაბიანმა ომმა უკრაინაში, საკითხი ახლებურად დაანახა.

ჯერჯერობით, სხვა დეტალებზე ყურადღება არ მახვილდება.