ნატო ცივი ომის შემდეგ ყველაზე მასშტაბურ წვრთნებს ჩაატარებს. ინფორმაციას ამის შესახებ სააგენტო Reuters-ი ავრცელებს.

გავრცელებული ინფორმაციით, დაახლოებით 90 000 ჯარისკაცი შეუერთდება Steadfast Defender-ის წვრთნებს, რომელიც მაისამდე გაგრძელდება.

სამხედრო წვრთნებში ასევე ჩართული იქნება 50-ზე მეტი ხომალდი, 80-ზე მეტი გამანადგურებელი, ვერტმფრენი და დრონი, სულ მცირე 1 100 საბრძოლო მანქანა, მათ შორის 133 ტანკი და 533 ქვეითი საბრძოლო მანქანა.

"Steadfast Defender 2024 ცხადყოფს ნატო-ს უნარს, სწრაფად განათავსოს ძალები ჩრდილოეთ ამერიკიდან და ალიანსის სხვა ნაწილებიდან ევროპის თავდაცვის გასაძლიერებლად", - აღნიშნეს ჩრდილოატლანტიკურ ალიანსში.