„თბილისი დიდი ხანია აღმოსავლეთისა და დასავლეთის გავლენის ქვეშაა მოქცეული. ამ ქალაქის მემკვიდრეობა ვიზიტორებს საკუთარ გრძნობებს აცნობს. ქალაქის გზაჯვარედინზე ტრადიციული მუსიკის მოსმენისას ეცნობით მემკვიდრეობას, რომელიც როგორც ადრეული ქრისტიანული პერიოდის, ასევე ახლო აღმოსავლური რეგიონის გავლენას განიცდის", ამის შესახებ გავლენიანმა სამოგზაურო გამოცემამ National Geographic Travel magazine 100 საუკეთესო ქალაქის შესახებ სპეციალური გზამკვლევში დაწერა, სადაც თბილისის ტურისტული ადგილებია წარმოდგენილი.

საქართველოს ტურიზმის ეროვნული ადმინისტრაციის ცნობით, სპეციალურ გამოცემაში ჟურნალისტი ჯოზეფ რიჩარდ იოგერტი თბილისის შესახებ წერს, რომელმაც საქართველოში ტურიზმის ეროვნული ადმინისტრაციის პრეს-ტურის ფარგლებში იმოგზაურა.

მათივე ცნობით, გზამკვლევში აღწერილია თბილისის ისტორიული უბნები, ისტორია, კულტურული ძეგლები, მუზეუმები, თეატრები ტურისტული მარშრუტები, სასტუმროები, კვების ობიექტები და ასევე, თბილისთან ერთად გზამკვლევი ტურისტებს მცხეთასაც აცნობს.

"აქ „იტალიურ ეზოებს“ იხილავთ, რომლის აივნებიც ხის მოაჯირებითა და სპირალური კიბეებით გამოირჩევა. ეს დიზაინი აბრეშუმის გზის ქარვასლას უფრო მოგაგონებთ, ვიდრე იტალიურს. აქ სამეზობლოში ეზოს ცხოვრების წესი ყველას თაობის ოჯახს აერთიანებს. აქ იკრიბებიან, იკვებებიან, საუბრობენ, მღერიან, ქეიფობენ და თამაშობენ. საუკუნეებია თბილისელები ამ პროცესით იღებენ სიამოვნებას,“- წერს გამოცემა.

ავტორი აღნიშნავს, რომ თბილისის ეროვნული პარკი საგურამოს ქედის ჩრდილოეთით არის გაშლილი. აქ ველურ ბუნებაში ფოცხვერი, დათვი და ირემი ბინადრობს. ეროვნულ პარკში საფეხმავლო ბილიკებია მოწყობილი. აქედან თვალწარმტაცი ხედი იშლება თიანეთის გზაზე, აღნიშნულია გამოცემაში.