სამოქალაქო აქტივისტი ნატა ფერაძე სასამართლომ 2 000 ლარით დააჯარიმა. 

ფერაძე პოლიციამ 19 მაისს თბილისის საერთაშორისო აეროპორტის ტერიტორიაზე დააკავა, იმ დროს, როდესაც საზოგადოება რუსეთთან პირდაპირი ფრენების აღდგენასა და "აზიმუტის" პირველი რუსული თვითმფრინავის ჩამოფრენას აპროტესტებდა.

ნატა ფერაძე ჯარიმის თანხის შესაგროვებლად დახმარებას საზოგადოებას სთხოვს:

"დღეს სასამართლომ მორიგი 2000 ლარიანი ჯარიმა ამარტყა, არც პოლიციელის სამხრე კამერის ჩანაწერი ქონდათ მტკიცებულებად, არც სხვა კამერის, მხოლოდ ჩემი საკუთარი ლაივი ჩემს წინააღმდეგ.
ვინც თვლით, რომ ახლანდელი მილიცია (უმეტესობა, გამონაკლისები არის ალბათ აქაც) "იდინახუის" იმსახურებს, ვდებ ჩემი ანგარიშის ნომერს, ნამდვილად არაა მარტივი გადასახდელი 2000 ლარი, რა კარგი დრო იყო, 2013 წელს 50 ლარიდან რო იწყებოდა ჯარიმის ტარიფი 
მადლობა ყველას წინასწარ,
ვუთხრათ #იდინახუი მილიციას და დაგვიბრუნდეს პოლიცია, რომლის იმედი გვექნება

GE04TB7890745061100120
მიმღები - ნატალია ფერაძე" - წერს სამოქალაქო აქტივისტი.