უკრაინის პრეზიდენტის ადმინისტრაციის წარმომადგენლის, დარია ზარივნაიას ინფორმაციით, სლოვიანსკში, კორპუსის ნანგრევებიდან გამოყვანილი ბავშვი სასწრაფო დახმარების მანქანაში, საავადმყოფოსკენ მიმავალ გზაზე გარდაიცვალა.

შეგახსენებთ, რამდენიმე საათის წინ, ოკუპანტებმა  S-300 რაკეტებით სლავიანსკში საცხოვრებელი უბანი დაბომბეს. განადგურებულია რამდენიმე კორპუსი.

ამ დროისათვის არსებული მონაცემებით, დაღუპულია ექვსი  მშვიდობიანი მოქალაქე და დაშავებულია 18. სამაშველო სამუშაოები გრძელდება, რადგან სამ ადამიანს კვლავ ეძებენ. 

სავარაუდოდ ისინი ნანგრევებში არიან მოყოლილი.