ადგილობრივი მედიის ცნობით, ნამიბია 40 ნიანგს გაყიდის, რათა შეამციროს კონფლიქტები ადამიანებსა და ველურ ბუნებას შორის ჩრდილო-აღმოსავლეთ კავანგოსა და ზამბეზის რეგიონებში. 

ქვეწარმავლების შეძენით დაინტერესებულმა პირებმა სატენდერო განაცხადი ნამიბიის გარემოს დაცვის სამინისტროში 17 ივლისამდე უნდა წარადგინონ. როგორც სამინისტროს წარმომადგენელმა განაცხადა, ქვეყნის ველური ბუნების ბინადართა უმეტესობა "ეროვნული პარკების მიღმა არსებობს", რის გამოც რეგიონებში "მცხოვრებ ადამიანებსა და მათ პირუტყვზე ნიანგების თავდასხმა ხშირია".

ნიანგების მყიდველებმა უნდა დაასაბუთონ, რომ ისინი რეპტილიებისთვის შესაფერის საარსებო ბუნებრივ გარემოს უზრუნველყოფენ, ასევე ნიანგების იმპორტისთვის მათ უნდა ჰქონდეთ შესაბამისი ქვეყნიდან ნებართვა.