საკვების მხრივ, პირველ რიგში ბალანსირებული კვების რეჟიმის აღდგენაა აუცილებელი. განსაკუთრებით უპირატესობა ცილოვან საკვებზეა, - ამის შესახებ კლინიკა „ვივამედის“ ენდოკრინოლოგმა, სოფო მებუკემ „ქრონიკასთან“ სატელეფონო ჩართვაში მიხეილ სააკაშვილის ჯანმრთელობაზე საუბრისას განაცხადა.

„დანარჩენი კი, ჩემი პროფილით, მას ნამდვილად არ სჭირდება დამატებითი პრეპარატი ამ მხრივ. მთავარი ძირითადი პრობლემა კვების საკითხია. კვების კომპონენტი მკურნალობის პროცესის ერთ-ერთი მთავარი ფაქტორია. ძალიან დიდი მნიშვნელობა აქვს სწორ კვებას. ამასთან, არ შეესაბამება სიმართლეს ინფორმაცია, რომ მისი წონა 60-ს ქვემოთა. ნამდვილად ვიცი, რომ ამჟამად მისი წონა 60-ს ზემოთაა“, - განაცხადა ენდოკრინოლოგმა.