ნამახვანჰესის საქმეზე პარიზის სააპელაციო სასამართლომ ოთხასი მილიონი დოლარის გადახდის აღსრულება შეაჩერა.

საქმე ეხება საერთაშორისო არბიტრაჟის გადაწყვეტილებას, რომლის მიხედვითაც საქართველოს, კომპანია „ენკას“ სასარგებლოდ, 400 მილიონი დოლარის გადახდა დაეკისრა.

სარჩელში ქართულმა მხარემ ხაზგასმით აღნიშნა, რომ ამ ოდენობის თანხის დაუყოვნებლივ გადახდის შემთხვევაში, ქვეყნის ბიუჯეტი დაზიანდებოდა ისე, რომ გავლენას მოახდენდა ძირითადი ფუნქციების შესრულებაზე.

ამავე სარჩელში არის საუბარი ერთგვარ რისკებზეც კომპანიის საქმიანობასთან დაკავშირებით. მომჩივანი მხარე აღნიშნავს, რომ ამ ეტაპზე კომპანია არანაირ საქმიანობას არ აწარმოებს და მისი ფინანსები არის ბუნდოვანი.

პარიზის სააპელაციო სასამართლომ ქართული მხარის არგუმენტები ბოლომდე გაიზიარა.