"ნაბუქოდონოსორმა სამი ახალგაზრდა დასჯის მიზნით გავარვარებულ ღუმელში ჩაყარა, ისინი უვნებელნი დარჩნენ, რადგან უფლის ანგელოზი იყო მათთან...", - ამის შესახებ საქართველოს პატრიარქის, ილია მეორის მიმართვაშია საუბარი.

საქართველოს მართლმადიდებელი ეკლესიის კათოლიკოს-პატრიარქის მიმართვა მრევლისადმი:

ქრისტეს მიერ საყვარელო ძმანო და დანო, ჩვენო სულიერო შვილებო, ქრისტე აღდგა!

გილოცავთ ბრწყინვალე აღდგომის განახლებას, კვირაცხოვლობის დიდებულ დღესასწაულს; ხსენებას წმ. თომა მოციქულისა, საქართველოში ქრისტეს პირველი მქადაგებლის, წმიდა მოციქულ ანდრია პირველწოდებულისა და ქრისტეს რწმენისთვის ლაზეთში მოწყვეტილ 300 მოწამეთა; ასევე, ღვთისმშობლის წილხვდომილობის ზეიმს!

დღევანდელო დღე გამორჩეულია და ამიტომაც მინდა გთხოვოთ, რომ სწორედ დღეიდან კიდევ უფრო გავაძლიეროთ ლოცვა საქართველოსთვის.