ამერიკის შტატ არკანზასში 358 წყვილი მასობრივი ქორწილის ცერემონიისთვის მოემზადა, რომელიც მზის სრული დაბნელების იშვიათ მოვლენამდე ცოტა ხნით ადრე უნდა გაიმართა. ამის შესახებ ინფორმაციას CNN ავრცელებს.

„ამ გზით, შევძლებთ ერთიანობის სულიერი განცდა მივიღოთ და ყოველი ჩვენგანი შეძლებს ერთდროულად შეიგრძნოს სიყვარული“, - ამბობს ცერემონიის ერთ-ერთი მონაწილე გერი ნებელი, რომელიც ჯერ კიდევ 2017 წლის მზის დაბნელების დროს გეგმავდა დაქორწინებას, თუმცა, გეგმები საცოლის დედის გარდაცვალებამ ჩაუშალა.

ცნობისთვის, მზის სრული დაბნელება მხოლოდ ჩრდილოეთ ამერიკიდან, კონკრეტულად კი ჩრდილოეთ მექსიკიდან, აშშ-ის 15 შტატიდან და სამხრეთ-აღმოსავლეთ კანადიდან გამოჩნდა.