უახლოეს დღეებში დედამიწაზე მზის აფეთქების გამო, მაგნიტური ქარიშხალია მოსალოდნელი. ამის შესახებ The Watchers იტყობინება.

გავრცელებული ინფორმაციით, 17 მარტს მზეზე დაიწყო აფეთქებები, რამაც გამოიწვია კორონალური მასის ორი ამოფრქვევა.

პირველი ემისია მიმართული იყო სამხრეთ-აღმოსავლეთისაკენ, ხოლო მეორე სამხრეთ-დასავლეთისკენ. „ეს ემისიები გაანალიზებულია და მოსალოდნელია, რომ მოაღწევს 20 მარტის შუადღეს და 21 მარტს დილით“, - განაცხადეს კოსმოსური ამინდის პროგნოზირების ცენტრის (SWPC).
პროგნოზების მიხედვით, დედამიწის გეომაგნიტურ ველში 19 მარტს და 20 მარტის პირველ ნახევარში მოსალოდნელია სიმშვიდე. 20 მარტის მეორე ნახევარში შესაძლებელია აქტიური პირობების პერიოდები და G1 კლასის მაგნიტური შტორმი.