ამერიკელმა ბიზნესმენმა ილონ მასკმა, აშშ-ს საპრეზიდენტო კანდიდატებს შორის გამართულ დებატებზე კომენტირებისას, სოციალურ ქსელ „X“-ის პირად გვერდზე თქვა, რომ დემოკრატმა კამალა ჰარისმა "ბევრისთვის მოლოდინს გადააჭარბა", მაგრამ რესპუბლიკელი დონალდ ტრამპი მაინც უკეთესად შეასრულებს სამუშაოს, როგორც სახელმწიფოს მეთაური.
„ამაღამ კამალა ჰარისმა ხალხის უმეტესობის მოლოდინს გადააჭარბა. თუმცა, რაც შეეხება რეალურ მოქმედებას და არა მხოლოდ სასიამოვნო სიტყვებს, მტკიცედ მჯერა, რომ ტრამპი ბევრად უკეთეს საქმეს გააკეთებს“, - წერს ის.
მასკმა აღნიშნა, რომ მისი აზრით, დებატების წამყვანები არ იყვნენ სამართლიანი ტრამპის მიმართ.
გარდა ამისა, ბიზნესმენს აინტერესებდა, რატომ არ აჩვენა ჰარისმა შეერთებული შტატების ვიცე-პრეზიდენტის თანამდებობაზე თავისი კარგი მუშაობა. მასკი დარწმუნებულია, რომ ჰარისი ახლა ფაქტობრივად მართავს ქვეყანას, რადგან მოქმედი პრეზიდენტი ჯო ბაიდენი იშვიათად ჩნდება სამსახურში. მანვე დაასკვნა, რომ ჰარისს პრეზიდენტად თუ აირჩევენ, ყველა მიმდინარე ტენდენცია კიდევ ოთხი წლის განმავლობაში გაგრძელდება.
11 სექტემბერს შეერთებულ შტატებში გაიმართა პირველი დებატები დონალდ ტრამპსა და კამალა ჰარისს შორის.
0
0
