მთავრობა საპატრიარქოს კიდევ სამ მიწის ნაკვეთს გადასცემს. როგორც პრემიერმინისტრ ირაკლი კობახიძის 13 სექტემბრით დათარიღებულ განკარგულებებში წერია, საპატრიარქო სახელმწიფო საკუთრებაში არსებულ ორ მიწის ნაკვეთს პირდაპირი მიყიდვის ფორმით, 1 ლარად მიიღებს, ერთს კი 99 წლის ვადით, უსასყიდლო უზუფრუქტის უფლებით. 

განკარგულების მიხედვით, საპატრიარქოს საკუთრებაში გადავა: 

• მცხეთის მუნიციპალიტეტში, სოფელ კევლიანში მდებარე 5 670 კვ.მ. მიწის ნაკვეთი არასასოფლო-სამეურნეო დანიშნულების მიწის ნაკვეთი.
• გორის სოფელ ყელქცეულში - 215 389 კვ.მ. სასოფლო-სამეურნეო (სახნავი) დანიშნულების ნაკვეთი;
• თბილისში, ლეო და ნოდარ გაბუნიების ქუჩა N41ა-ში მდებარე 1004 კვ.მ. არასასოფლო-სამეურნეო დანიშნულების მიწის ნაკვეთი და მასზე მდგომი შენობა-ნაგებობები.