“მსურველთა კოალიციის“ ლიდერებმა პრეზიდენტ დონალდ ტრამპის ომის დასრულების მცდელობების მიმართ მხარდაჭერა გამოხატეს და კიდევ ერთხელ გაიმეორეს თავიანთი პოზიცია, რომ უკრაინის საზღვრები ძალით არ უნდა შეიცვალოს.
შეხვედრას, რომელსაც 35 ქვეყნის, ასევე ევროკავშირისა და ნატოს ხელმძღვანელები ესწრებოდნენ, საფრანგეთის პრეზიდენტი ემანუელ მაკრონი, გერმანიის პრეზიდენტი ფრიდრიხ მერცი და ბრიტანეთის პრემიერ-მინისტრი სერ კირ სტარმერი უძღვებოდნენ.
უკრაინის პრეზიდენტმა ვოლოდიმირ ზელენსკიმ და აშშ-ის სახელმწიფო მდივანმა მარკო რუბიომ კოალიციას ჟენევაში გამართული სამშვიდობო მოლაპარაკებების შესახებ მიაწოდეს ინფორმაცია.
კოალიციის ლიდერებმა მხარდაჭერა გამოუცხადეს უკრაინას და სამართლიან და მდგრად მშვიდობას და დაგმეს რუსეთის ბოლო თავდასხმები. მათ ასევე გააორმაგეს მხარდაჭერა დონალდ ტრამპის სამშვიდობო გეგმის მიმართ, თუმცა განაცხადეს, რომ კონფლიქტის გადაწყვეტის ნებისმიერი მეთოდი სრულად უნდა მოიცავდეს უკრაინას, ინარჩუნებდეს მის სუვერენიტეტს, შეესაბამებოდეს გაეროს წესდების პრინციპებს და უზრუნველყოფდეს უკრაინის გრძელვადიან უსაფრთხოებას.
კოალიციის ლიდერებმა დასძინეს, რომ საზღვრების ძალით შეცვლა შეუძლებელია. თუმცა, ისინი მიესალმნენ გარანტიებს, რომ ევროპისა და ნატოს ინტერესებთან დაკავშირებული საკითხები ცალ-ცალკე განიხილება, ევროპელი პარტნიორებისა და ნატოს მოკავშირეების სრული ჩართულობით და დაეთანხმნენ, რომ უკრაინის დაფინანსების შესახებ გადაწყვეტილება, მათ შორის, გაყინული რუსული აქტივების გამოყენებით, კრიტიკულად მნიშვნელოვანი იქნება.
კოალიციამ განაცხადა, რომ მისი ლიდერები აშშ-ის სახელმწიფო მდივან მარკო რუბიოსთან, დააჩქარებენ შეერთებულ შტატებთან ერთობლივ მუშაობას ასეთი გარანტიების დაგეგმვის წინსვლის მიზნით.
0
0
