მსოფლიოში ნავთობის ფასი კვლავ გაიზარდა. ამ დროისათვის არსებული მონაცემებით, ერთი ბარელი ბრენტის მარკის ნავთობის ფასი 107 დოლარს აჭარბებს, რაც ბოლო დღე-ღამის განმავლობაში ნავთობის ფასის 3%-იან ზრდას შეადგენს.

ამასთან, მედიის ცნობით, ბოლო ერთ კვირაში ბრენტის მარკის ნავთობის ფასი 10%-ით გაიზარდა.

რაც შეეხება ამერიკულ ბაზარს, აშშ-ში ერთი ბარელი ნავთობის ფასი 2.6%-ით გაიზარდა და 102.68 დოლარი შეადგინა.

მედიის ცნობით, ნავთობის ფასის ზრდის მთავარი მიზეზი ახლო აღმოსავლეთში არსებული კრიზისია, განსაკუთრებით კი ბოლო პერიოდში დაჯგუფება „ჰუსიტების“ მიერ ბაბ-ელ-მანდების სრუტეში განხორციელებული თავდასხმები.

ცნობისთვის, ნავთობის ფასმა პიკურ მაჩვენებელს აპრილში მიაღწია და ერთ ბარელზე 126 დოლარი შეადგინა.