მსოფლიო მოსახლეობის სულ მცირე 90%-ს კორონავირუსის მიმართ გარკვეული სახის იმუნიტეტი აქვს, ამის შესახებ ჯანდაცვის მსოფლიო ორგანიზაციაში აცხადებენ.

„ჯანმოს შეფასებით, მსოფლიოს მოსახლეობის სულ მცირე 90%-ს ამჟამად კორონავირუსის მიმართ გარკვეული იმუნიტეტი აქვს. კორონავირუსის ყოველკვირეული გარდაცვალების რიცხვი ოდნავ შემცირდა ბოლო ხუთი კვირის განმავლობაში, მაგრამ გასულ კვირას 8 500-ზე მეტი ადამიანი გარდაიცვალა. 

ეს მიუღებელია პანდემიის დაწყებიდან სამი წლის შემდეგ, როდესაც ჩვენ გვაქვს ამდენი ინსტრუმენტი ინფექციების თავიდან ასაცილებლად და სიცოცხლის გადასარჩენად“, - განაცხადა ჯანმოს ხელმძღვანელმა ტედროს ადანომ გებრეისუსმა.