საბა ინანეიშვილმა ფინალში უნგრელ სპორტსმენს დამატებით დროში სუფთა გდებით სძლია და საქართველოს ნაკრებს ტურნირზე მეოთხე ოქრო მოუტანა.

მანამდე ოქროს მედალი ამავე ჩემპიონატზე ილია სულამანიძემ მოიპოვა. ფინალურ ბლოკში ბრინჯაოს მედალი მოიპოვა ირაკლი დემეტრაშვილმა (+100).

მსოფლიო პირველობაზე ამ დრომდე საქართველოს ნაკრებს ორი ოქრო ჰქონდა მოპოვებული. ჩემპიონები გიორგი სარდალაშვილი (60 კგ) და გიორგი შერაზადიშვილი (81 კგ) გახდნენ.

ძიუდოს ფედერაციის ინფორმაციით, დღევანდელი წარმატების შემდეგ კი საქართველოს ნაკრები მსოფლიო ჩემპიონატზე ოთხი ოქროს მედლით და ერთი ბრინჯაოთი საერთო გუნდურ ჩათვლაში პირველ ადგილზე გავიდა.