„ისრაელსა და „ჰამასს“ შორის მიმდინარე ომის შედეგად ახლო აღმოსავლეთი უფსკრულის პირას დადგა,’’ - განუცხადა BBC-ს გაეროს დახმარების და სამუშაოების სააგენტოს გენერალურმა კომისარმა ფილიპ ლაზარინმა.

"მსოფლიო ადამიანობას კარგავს და ეს ძალადობა შეიძლება მთელ რეგიონში გავრცელდეს", - თქვა გაეროს დახმარების და სამუშაოების სააგენტოს გენერალურმა კომისარმა ფილიპ ლაზარინმა.

ლაზარინმა აღნიშნა, რომ ღაზას შიგნით მშვიდობიანი მოსახლეობისთვის მძიმე ვითარებაა შექმნილი და მხარეებს ამ ტერიტორიაზე ჰუმანიტარული დახმარების დერეფნების უზრუნველყოფისკენ კვლავ მოუწოდა.

იერუსალიმში სიტყვით გამოსვლისას ლაზარინმა დაგმო „ჰამასის“ თავდასხმა ისრაელზე და მას "საშინელი და ბარბაროსული ხოცვა-ჟლეტვა" უწოდა, რომელმაც ისრაელში "ეროვნული და კოლექტიური ტრავმა" გამოიწვია.