საქართველოს მესამე პრეზიდენტი, მიხეილ სააკაშვილი, სოციალური ქსელით ზუგდიდი-მესტიის გზაზე მომხდარ ფაქტს გამოეხმაურა.

„შეძრული ვარ იმ საშინელებით რაც მოხდა ზუგდიდი მესტიის გზაზე.
მსგავსი შემთხვევები ხდებოდა აფრასიძეების დროს, რომლებიც 2012 განთავისუფლდნენ როგორც პოლიტ-პატიმრები.
მე იმისთვის არ ამიშენებია ზუგდიდი-მესტიის გზა რომ მას დაუფლებოდნენ მოძალადე კრიმინალები“, – აღნიშნულია პოსტში.

შეგახსენებთ, ზუგდიდი-მესტიის გზაზე რუს ცოლ-ქმარს თავს დაესხნენ.  უცნობმა პირებმა ქალზე, სავარაუდოდ, სექსუალური ძალადობა სცადეს და კაცს მანქანიდან გადმოსვლას სთხოვდნენ, რა დროსაც ცეცხლსასროლი იარაღიდან გაისროლეს და კაცი დაჭრეს.