გარდაცვალებამდე ცოტა ხნით ადრე, პნევმონიის გამო, ის საავადმყოფოში გადაიყვანეს. მსახიობს კორონავირუსი არ დაუდასტურდა, რის შემდეგაც, რეაბილიტაციისთვის, სხვა სამედიცინო დაწესებულებაში დააწვინეს, თუმცა, მდგომარეობა დამძიმდა და ექიმებმა მისი გადარჩენა ვერ შეძლეს.

კურავლიოვი 1936 წლის 8 ოქტომბერს, მოსკოვში დაიბადა. მისი სამსახიობო დებიუტი 1960 წელს, ფილმში Мичман Панин შედგა.

მისი მონაწილეობით გადაღებულ ფილმებს შორისაა „აფონია“, „ივან ვასილის ძე იცვლის პროფესიას“, „მიმინო“, „თურქული გამბიტი“ და „ეძებეთ ქალი“.