რუსული მედიის ინფორმაციით, მოსკოვის საკანალიზაციო სისტემაში ტურის დროს წყალდიდობა მოხდა და 8 პირი დაიღუპა.

ჯგუფი მიწისქვეშ მდინარე ნეგლინკას ათვალიერებდა, რომელიც ქალაქის მთავარი მდნარის, მოსკოვის შენაკადია.

გამომძიებლების თქმით, სამძებრო სამუშაოები დასრულდა და მხოლოდ დაღუპულების ოფიციალური იდენტიფიცირება დარჩა. შემთხვევასთან დაკავშირებით, რომელიც აღწერეს, როგორც "უკანონო ექსურსია", სისხლის სამართლის გამოძიებაა დაწყებული.

კანალიზაციის ტურებს ქალაქში რამდენიმე კომპანია აწყობს. მათგან ზოგიერთი მე-19 საუკუნიდან ფუნქციონირებს.

მედიის ინფორმაციით, თავდაპირველად ტურზე 20-ზე მეტი ადამიანი დარეგისტრირდა, თუმცა მათმა უმრავლესობამ ამინდის პროგნოზის გამო ტურში მონაწილეობა გადაიფიქრა.