მოსკოვი კიევთან დიალოგის დამყარების სუსტ საფუძველსაც კი ვერ ხედავს, – ამის შესახებ რუსეთის პრეზიდენტის პრესმდივანმა, დიმიტრი პესკოვმა ტელეარხ „რუსეთი 1“-თან მიცემულ ინტერვიუში განაცხადა.

„ფაქტობრივად, ახლა შეთანხმების წინაპირობები არ არსებობს. უფრო მეტიც, ახლა არ არსებობს, თუნდაც სუსტი საფუძველი, რათა ვაწარმოოთ რაიმე სახის დიალოგი“, – განაცხადა პრეზიდენტის პრესმდივანმა.

პესკოვის თქმით, რუსეთთან მოლაპარაკებების დაწყების საშუალებას კიევს „მისი მფლობელები“ არ აძლევენ.

„ჩვენ ვხედავთ – ა) – რეჟიმის უნებლიობას, ბ) – მოუმზადებლობას, გ) – რეჟიმის დაუშვებლობა მესაკუთრეთა მხრიდან. ამის თქმა, ალბათ, ყოველგვარი დიპლომატიური ორაზროვნების გარეშე შეიძლება. ამიტომ მოლაპარაკების წინაპირობები ახლა არ არსებობს”,-აღნიშნა პესკოვმა.