70 წლის მონაზონი, რომელზეც ორმა მამაკაცმა ფიზიკურად და სექსუალურად იძალადა, რეანიმაციიდან პალატაში გადაიყვანეს. მისი მდგომარეობა მძიმე, მაგრამ სტაბილურია. მკურნალობას თბილისში, კავკასიის მედიცინის ცენტრში გადის.

სასულიერო პირს რბილი ქსოვილების დაზიანება და ტვინის შერყევა აღენიშნება. აქვს უმძიმესი ფსიქოლოგიური მდგომარეობა და საჭიროებს რეაბილიტაციას.

შეგახსენებთ, რომ ცხრამუხის დედათა მონასტერში საზარელი ფაქტი 25 ნოემბერს მოხდა.

პოლიციამ ჯგუფური ყაჩაღობისა და გაუპატიურების მუხლით 27 და 39 წლის მამაკაცები უკვე დააკავა. ისინი ბრალის წარდგენას ელოდებიან. დაკავებულებს არცერთი უფლებადამცველი არ იცავს.

წყარო: primetime.ge