როგორც ილონ მასკის მამამ, ეროლ მასკმა, განაცხადა, მომიტინგეები, რომლებიც მის შვილს აშშ-ის მთავრობისთვის დანახარჯების შემცირების გამო აკრიტიკებენ, "უსაქმურები" არიან.

ეროლ მასკმა Sky News-თან ინტერვიუში აშშ-ის გადასახადის გადამხდელებისა და Tesla-ს მომხმარებლების მხრიდან გამოხატულ უარყოფით რეაქციაზე ისაუბრა, რაც მთავრობის ეფექტიანობის დეპარტამენტში ილონ მასკის მიერ მიღებულ გადაწყვეტელებებს უკავშირდება. 

როგორც ცნობილია, ელექტრო მანქანების ფირმა სულ უფრო და უფრო ხდება გაყიდვების ბოიკოტებისა და პროტესტის საგანი - შეერთებულ შტატებში, დილერებს Tesla-ს ბრენდის მანქანების ვანდალიზაციის ფაქტები არაერთხელ უნახავთ. 

"თუ დააკვირდებით, თაღლითები ექსტრემალური გზით ცდილობენ, რომ Tesla-ს ზიანი მიაყენონ მანქანების აფეთქებით, ეს უბრალოდ სისულელეა, რადგან მანქანების დაზიანება არანაირ საკითხს არ მოაგვარებს. ამგვარი მავნებელი ადამიანები უპასუხისმგებლოდ და ლოგიკური აზროვნების გარეშე მოქმედებენ. სწორედ, ეს ხალხია პრობლემა და არა თავად კომპანია. 

ჩემი შვილის მიმართ "მედია აჟიოტაჟი" ატყდა. Tesla-ს ინვესტორების თითქოსდა მზარდი უკმაყოფილება ილონის კომპანიის გამოწვევებთან დაკავშირებით, გადაჭარბებულია და კრიტიკა უსამართლოა. ილონს Tesla-ში ძლიერი გუნდი ჰყავს, რომელსაც შეუძლია გაუმკლავდეს კომპანიის ყოველდღიურ ოპერაციებს, ეს კი ჩემს შვილს საშუალებას აძლევს ფოკუსირდეს აშშ-ის მთავრობისთვის "სასიცოცხლო სამუშაოზე", ქვეყნის მზარდი ვალების მდგომარეობის გათვალისწინებით.  ილონს საამისოდ უამრავი უნარი აქვს. ამიტომ, არ ინერვიულოთ ამაზე“, - თქვა ეროლ მასკმა და იწინასწარმეტყველა, რომ წლის ბოლომდე Tesla-ს აქციების ფასი მნიშვნელოვნად გაიზრდება და თითო აქციაზე 600 აშშ დოლარამდე აღდგება.