მომავალ არჩევნებში აუცილებლად „ქართული ოცნება“ გაიმარჯვებს, სხვანაირად შეუძლებელია, – აღნიშნულის შესახებ ფრაქცია „ქართული ოცნების“ თავმჯდომარემ და პარტიის აღმასრულებელმა მდივანმა მამუკა მდინარაძემ გადაცემაში „იმედი Live“ განაცხადა.

მისივე თქმით, ეს არის ამ ქვეყნის წინსვლის, განვითარებისა და გადარჩენის ფორმულა, გულწრფელობაზე და სიმართლეზე დაფუძნებული.

„ზუსტად იციან [ოპოზიციამ], რომ ვერანაირი თეორიული დათვლითაც კი ისინი ვერ უახლოვდებიან ჯამურად იმ შედეგს, რომელი შედეგიც აქვს დღეს „ქართულ ოცნებას“. „ქართული ოცნება“ სულ მუდამ ვერ იქნება ხელისუფლებაში, ხვალ ზეგ, ან წლების შემდეგ უნდა გადავიდეს ოპოზიციაში, მაგრამ ერთადერთი ვარიანტი, რომ ჩვენ ვიღაცამ მოგვიგოს, ეს ვიღაცა უნდა იყოს ეროვნული და ამავე დროს რეალურად და ჭეშმარიტად ევროპული.

ამ ორ კრიტერიუმს რომ დააკმაყოფილებს, გულწრფელი იქნება და მართალი, ასეთმა პოლიტიკურმა პარტიამ შეიძლება რომელიღაც მომავალ არჩევნებში მოუგოს „ქართულ ოცნებას“, მაგრამ ამას ვერავითარ შემთხვევაში ვერ გააკეთებს იმ ადამიანებისგან დაკომპლექტებული ჯგუფი, რომელიც იმართება გარედან, სხვის დავალებებს ასრულებს და მათში ეროვნული არაფერია.

მომავალ არჩევნებში აუცილებლად „ქართული ოცნება“ გაიმარჯვებს, სხვანაირად შეუძლებელია, ეს არის ამ ქვეყნის წინსვლის, განვითარებისა და გადარჩენის ფორმულა, გულწრფელობასა და სიმართლეზე დაფუძნებული“, – განაცხადა მდინარაძემ.