პარლამენტთან საპროტესტო აქციის მონაწილეები კვლავ რჩებიან.

აქციაზე მივიდა “მთავარი არხის” ჟურნალისტი ეკა კვესიტაძე, რომელსაც ეკეთა პლაკატი წარწერით “ირაკლი”.

ტვ “პირველის” პირდაპირ ეთერში ჩართვისას, მან ამ ტელეკომპანიის მიკროფონი ხელში დაიჭირა და პოლიციელებს მიმართა, ჩამოეხიათ მისთვის აღნიშნული პლაკატი.

“მოდით ჩამომახიეთ პლაკატი! რატომ არ მახევთ პლაკატს? რა წერია ამ პლაკატზე იმ ახალგაზრდებისგან განსხვავებით, რომლებიც დააკავეთ? მოდით, ჩამომახიეთ!” - მიმართა კვესიტაძემ პოლიციელებს.

მისივე თქმით, დღევანდელ აქციაზე ახალგაზრდების დაკავება იყო სიტყვისა და გამოხატვის თავისუფლების შეზღუდვა.

არსებული ინფორმაციით, ამ დროისთვის დკავებულია რამდენიმე ახალგაზრდა.