მკვლელობა გორში - ხეხილის ბაღში საქონლის შეშვების გამო მოკლულია მამაკაცი

04/07/2023

20:35

A-

გორის მუნიციპალიტეტის სოფელ ქორდში, მამაკაცებს შორის კონფლიქტი მოხდა. დაპირისპირების შედეგად 60 წლამდე კაცი გარდაიცვალა.

გავრცელებული ინფორმაციით, მამაკაცებს შორის დაპირისპირება გარდაცვლილის ხეხილის ბაღში საქონლის შეშვებას მოჰყვა.

ფიზიკური დაპირისპირების შემდეგ, დაშავებული საავადმყოფოში გადაიყვანეს, სადაც ის გარდაიცვალა.

"გარდაცვლილის ბაღში შეუშვა საქონელი ამ კაცმა, რასაც დაპირისპირება მოჰყვა. საქონლის მეპატრონემ გარდაცვლილს ხელი დაარტყა, რის მერეც მას ინსულტი განუვითარდა", - აცხადებენ ადგილობრივები.

მომხდარზე გამოძიება სისხლის სამართლის კოდექსის 117-ე მუხლით დაიწყო, რაც ჯანმრთელობის განზრახ მძიმე დაზიანებას გულისხმობს. ისჯება თავისუფლების აღკვეთით ვადით ოთხიდან შვიდ წლამდე.

631