“გერმანია უკრაინაში რუსეთის მხრიდან შეტევის გაძლიერების ფონზე, საბრძოლო მასალის წარმოების გაზრდას აპირებს”, - ამის შესახებ გერმანიის თავდაცვის მინისტრმა ბორის პისტორიუსმა ბრიუსელში განაცხადა, სადაც ნატო-ს წევრი ქვეყნების თავდაცვის მინისტრების შეხვედრა მიმდინარეობს.

მისი თქმით, უკრაინისთვის საჰაერო თავდაცვისა და საბრძოლო მასალის მიწოდების საკითხი ბევრად უფრო მნიშვნელოვანია, ვიდრე მოიერიშე თვითმფრინავების მიწოდების საკითხი.

ბორის პისტორიუსმა ასევე განაცხადა, რომ გერმანიამ უკრაინისთვის მიწოდებული Gepard-ის საჰაერო თავდაცვის სისტემებისთვის საბრძოლო მასალის უზრუნველყოფის მიზნით მწარმოებლებთან ხელშეკრულებები გააფორმა.

”მჯერა, რომ ომის მოკლევადიანი დასასრული, მოკლევადიანი გამარჯვებული არ იქნება,” - აღნიშნა გერმანიის თავდაცვის მინისტრმა.