ავირჩიეთ მიხეილ ყაველაშვილი, ადამიანი, რომელიც ეროვნული იდენტობის სიმბოლოა საქართველოში, და რომელიც სათავეს დაუდებს საქართველოში საზოგადოების მხრიდან პრეზიდენტის ინსტიტუტისადმი ნდობის აღდგენას, - განაცხადა „ხალხის ძალის“ აღმასრულებელმა მდივანმა, გურამ მაჭარაშვილმა.

„ჩვენ ვიცით, რომ ბოლო ორი პრეზიდენტის და განსაკუთრებით ბოლო პრეზიდენტის ფუნქციების შესრულების დროს თავიდან ბოლომდე ნდობა ჰქონდა დაკარგული ამ ინსტიტუციას და მეტიც, პრაქტიკულად მოღალატეობრივი ფუნქციები შეითავსა ე.წ. პრეზიდენტმა ზურაბიშვილმა“, - აღნიშნა მაჭარაშვილმა.

ამერიკული მოდელით პრეზიდენტის არჩევნები 14 დეკემბერს ჩატარდა. ინაუგურაცია კი 29 დეკემბერს გაიმართება. მიხეილ ყაველაშვილი საქართველოს პრეზიდენტად აირჩიეს.