რუსეთის პრეზიდენტმა ვლადიმერ პუტინმა სატელევიზიო ინტერვიუს დროს განაცხადა, რომ დასავლეთთან ურთიერთობაში მიჰყვება ძველ გამონათქვამს ომისთვის მზადების შესახებ - თუ გინდა მშვიდობა, მოემზადე ომისთვის. აქვე ის აღნიშნავს, რომ მშვიდობა სურს. ამის შესახებ TASS წერს.

რუსმა ჟურნალისტმა მას ჰკითხა აშშ-ის რუსეთთან და ჩინეთთან შესაძლო ერთდროული ომის შესახებ, ასევე ბირთვული იარაღის გამოყენებაზე, რაზედაც პუტინმა უპასუხა.

„არა მგონია, რომ ეს ჯანსაღი აზრები იყოს, რომლებიც ჯანსაღ ადამიანებს მოუვიდათ თავში, რადგან იმის თქმა, რომ აშშ ემზადება რუსეთთან ომისთვის, კარგი... ჩვენ ყველა ვემზადებით ომისთვის, რადგან მივყვებით ცნობილ ძველ პრინციპს: თუ გინდა მშვიდობა, მოემზადე ომისთვის, მაგრამ ჩვენ ვიმოქმედებთ იმ ვარაუდით, რომ მშვიდობა გვინდა“, - თქვა პუტინმა.