თბილისში საშობაო ალილო გაიმართა. მსვლელობა რესპუბლიკის მოედნიდან 14:00 საათზე დაიწყო. მსვლელობის დაწყებამდე რესპუბლიკის მოედანზე პარლამენტის თავმჯდომარე და დეპუტატები მივიდნენ. მათ შეკრებილებს დღესასწაული მიულოცეს და საშობაო საჩუქრები გადასცეს.

პირველი რესპუბლიკის მოედანზე იმყოფებოდა საქართველოს პრეზიდენტის მეუღლეც. თამარ ბაგრატიონმა მოქალაქეებს შობის დღესასწაული მიულოცა.

"სრულიად საქართველოს გილოცავთ შობის დღესასწაულს. მიყვარხართ ყველა და მინდა, რომ დღევანდელი დღე იყოს საწინდარი ჩვენი გაერთიანების. მშვიდობას ვუსურვებ სრულიად საქართველოს", - აღნიშნა საქართველოს პრეზიდენტის მეუღლემ, თამარ ბაგრატიონმა.