საქართველოს რკინიგზის ფილიალ ,,მგზავრთა გადაყვანის” თანამშრომლებს „მომხმარებელთან ურთიერთობის მართვის“ ტრენინგი ჩაუტარდათ.
მომსახურების ხარისხის გაუმჯობესების მიზნით ტრენინგი სამატარებლო ერთეულების 100-ზე მეტმა თანამშრომელმა (ინსტრუქტორები, მატარებლის უფროსები და გამყოლები) გაიარა – მათ, ვინც მგზავრებს საქართველოს რკინიგზის მატარებლების ბორტზე ყოველდღიურად ემსახურებიან.
ტრენინგის მიზანია მგზავრთა ეფექტური მომსახურებისთვის საჭირო ცოდნის, უნარებისა და დამოკიდებულებების ზრდა/განვითარება. „მომხმარებელთან ურთიერთობის მართვის“ ტრენინგის მონაწილეებს კურსის წარმატებით დასრულების შემდეგ, სერტიფიკატები საქართველოს რკინიგზის ფილიალ ,,მგზავრთა გადაყვანის” ხელმძღვანელობამ გადასცა.
კომპანიის მიზანია თანამშრომლების გადამზადების შედეგად, მომსახურების ხარისხის გაუმჯობესება და მგზავრების მოლოდინებისა და კმაყოფილების ზრდა.
საქართველოს რკინიგზა თანამშრომლებისთვის ტრენინგების ჩატარებას მომავალშიც გეგმავს.
0
0
