მეწყერი 100-ზე მეტ სოფელში განვითარდა. უსაფრთხო ადგილზე გადაყვანილია 200-ზე მეტი ოჯახი. გეოლოგიური დასკვნების შემდეგ მოხდება ამ ოჯახების თანამედროვე, უსაფრთხო საცხოვრისით დაკმაყოფილება, - ამის შესახებ აჭარის ავტონომიური რესპუბლიკის მთავრობის თავმჯდომარე თორნიკე რიჟვაძემ ქედაში ჟურნალისტებს განუცხადა.

„შეფერხებები იყო შიდასახელმწიფო და შიდასასოფლო მნიშვნელობის საავტომობილო გზებზე. დღეისთვის, გოდერძიმდე სრულად არის აღდგენილი შიდასახელმწიფოებრივ გზაზე მოძრაობა.“, - აღნიშნა თორნიკე რიჟვაძემ.

საქართველოს პრემიერ-მინისტრი ირაკლი კობახიძე ქედის მუნიციპალიტეტის სოფელ პირველ მაისში სტიქიის სალიკვიდაციო სამუშაოებს გაეცნო.

უხვი ნალექის შედეგად განვითარებულ მეწყრულ პროცესებს მაღალმთიან აჭარაში ორი ადამიანის სიცოცხლე ემსხვერპლა.