ევროპის კოსმოსური სააგენტოსა და თვითმხილველების განცხადებით, ჩრდილოეთ ფილიპინებში, ცაზე მცირე ზომის კაშკაშა მეტეორი გამოჩნდა. ერთმეტრიანი კოსმოსური ქანი, სახელწოდებით 2024 RW1, დედამიწის ატმოსფეროს, კუნძულ ლუზონთან ახლოს, შეეჯახა.

ევროპის კოსმოსური სააგენტოს განცხადებით, 2024 RW1-ი, რომელიც კოსმოსური სააგენტო Catalina Sky Survey-ის მეშვეობით აღმოაჩინეს, მეცხრე მეტეორია, რომელიც ადამიანებმა დედამიწის ატმოსფეროსთან შეჯახებამდე შეამჩნიეს. 

„სანახაობრივი „ცეცხლოვანი ბურთი“ მომაჯადოებელი იყო. ცა შავდებოდა, შემდეგ ლურჯ-მწვანესა და ნარინჯისფერში გადადიოდა და ისევ შავდებოდა. მეტეორი თავკომბალას ფორმის იყო“, - განუცხადა France-Presse-ს ერთ-ერთმა თვითმხილველმა.